Norges Samemisjon avholdt landsmøte i Alta 11. til 14.juni 2026. 38 utsendingar kom saman på Alta Folkehøgskule. Landsmøtet vedtok nye grunnreglar for organisasjonen, strategiplan for åra 2026 til 2028 og mandat for tilsynsrådet i Norges Samemisjon.

Med få unnatak var vedtaka samrøystes. Det var usemje om føremålsparagrafen der eit mindretal ville ha den gamle paragrafen.

Den nye føremålsparagrafen fekk denne ordlyden:

• Samemisjonen er en samisk-norsk organisasjon for forkynnelse, diakoni og forsoning. Vårt formål er på bibelsk og evangelisk grunn å utbre Guds rike.
• Hovedmål: Vi skal gjøre Jesus kjent gjennom evangeliet slik at mennesker blir frelst og kommer til tro på Jesus Kristus.
• Tverrkulturelt: Vi ønsker å formidle trosliv og kristne verdier begge veier mellom samiske og norske Jesu disipler.
• Basis: Vi bygger vårt arbeid på Guds ord og den evangeliske-lutherske bekjennelse.

Den gamle føremålsparagrafen hadde denne ordlyden:

• Norges  Samemisjons formål er på bibelsk og evangelisk-luthersk grunn å utbre Guds rike særlig blant og sammen med den samiske befolkning.
• Norges Samemisjon ser det dessuten som en oppgave å støtte samisk språk og kristen kulturarv.

Det var landsstyret som hadde kome med framlegg om ny føremålsparagraf.

Torsdag ettermiddag drog møtedeltakarane forbi Stilla og opp til demningen i Cavzu.

Seinare på kvelden såg me filmen La elva leve. Filmen skildra spanningar og konfliktar mellom det samiske folket og det norske storsamfunnet, men og indre spenningar blant samane.

På laurdagen stilte eit samisk barnekor opp. Dei song hugtakande vakkert og koret som held til i Alta, vert dirigert av Mia Kåven.

 

Jon Teigen frå Møre og Romsdal vart vald til ny leiar i Norges Samemisjon og med seg i styret fekk han Ellen Kari Anti Sara og Karen Anette Anti frå dei samiske områda og Anne Grete Myraune og Harald Roth. Myraune kjem frå Trøndelag krins medan Roth kjem frå Rogaland kris.

Varamedlemar til landsstyret vart Magnus Varsi frå dei samiske områda og Lars Egil Espedal frå krinsane. Det vart og vedteke at varamedlemane skal møta fast på styremøta.

Ut or styret gjekk Stein Ingvar Kalviknes, Marit Grøtte Børnes og Inge Augestad.

Medlemar i tilsynsrådet vart Bernhard Iversen, Bjarne Gustad og Leif Halsos med Erik Okkels som varamedlem.

 

I byrjinga av lansmøte heldt den avtroppande leiaren Stein Ingvar Kalviknes opningstale der han mellom anna evaluerte arbeidet i Norges Samemisjon dei tre siste åra.

I talen kom det fram at mål var oppnådde, men og at ikkje alle måla var oppnådde. I den nye strategiplanen står forkynning og diakoni står øvst på lista blant  arbeidsområda.

Vidare står det, under punktet om forkynning, at Radio DFS er Norges Samemisjon sin største talarstol.

 

Forkynning over heile landet er viktig, men det er forkynning i dei samiske områda som skal ha prioritet. Det er då viktig at det vert forkynt på samisk, står det i planen.

Forsoning er eit eige punkt i strategiplanen og under dette punktet står det: «Forsoningsarbeidet skal skje med respekt for samiske perspektiver og bygge på dialog, relasjoner og langsiktighet.»

 

Det nye styret skal arbeida for at Norges Samemisjon har ein berekraftig økonomi. Grunnen til det er at organisasjonen somme år har gått med underskot.

I denne samanhengen vart det understreka at Norges Samemisjon må knyta til seg frivillige medarbeidarar.

Det er og verdt å ta med at den nye leiaren i organisasjonen Jon Teigen viste til Romarbrevet 10 der det mellom anna står: «Så kjem då trua av bodskapen ein høyrer og bodskapen kjem ved Kristi ord.» Han tok og med eit vers framom der det står: «Og korleis kan dei forkynna dersom dei ikkje vert utsende?»

 

På landsmøte hadde Thor Fremmegård bibeltimar. Andre forkynnarar var Berhard Iversen, Tom Dervola Oseberg  og Kristian Turi. Me kan ta med at talane vart tolka til samisk av Ellen Kari Anti Sara.

På bønemøtet laurdag morgon deltok meir enn halvparten av landsmøtedeltakarane.

Landsmøtet vart avslutta med gudsteneste på sundagen i kyrkja i Maze.  Der talte Tore Turi.

 

Etterord:

Dette var det fyrste landsmøte eg har vore med på i Norges Samemisjon. Det som slo meg at det var mange taleføre utsendingar. Så la eg merke til at sjølve landsmøteforhandlingane hadde ein sakleg preg: Det var ingen som heva stemma, men engasjement var det blant dei som tok ordet.

Talen til Berhard Iversen der han m.a. tok for seg Jesus i Det gamle testamentet, vil eg gjerne få tilsend for talen opna nye perspektiv for meg.

Så merka eg meg det Ellen Kari Anti Sara fortalde om Maze-kvinnene som hadde med seg den samiske salmeboka, Salbmagirji, og song salmar medan dei venta på å få møta Gro Halem Brundtland. Inntrykk gjorde det og då ho fortalde om dramatikken då ho sjølv vart fødd.

Eg tykte det var gjevande å vera med på landsmøtet, vel verdt å bruka fire heile dagar på.

Av Knut Dale

Inge Augestad får her blomar av landsstyremedlem Karen Anette Anti og Eva Okkels på kontoret til Norges Samemisjon i Balsfjord.

I styret i Norges Samemisjon er det ei seksårsgrense: Medlemar i landsstyret kan ikkje vera med i landsstyret i meir enn seks år. Og det var på grunn av denne regelen at Inge Augestad gjekk ut or styret.
Fyrst på 2000-talet var han og med i landsstyret. Inge bur i Tørvikbygd i Kvam herad. Me kan ta med at han i ein femårsperiode, frå 2003 til 2008 var han driftsleiar for DSF-anlegget i Karasjok.

 

Tur til Altademningen.